Германияни жаҳон чемпиони қилган футболчини Италияда кутишмоқда
"Боруссия" Дортмунд клуби ярим ҳимоячиси Марио Гётце мавсум якунлангач, жамоани тарк этади.
Football Italia нашри тарқатган хабарга қараганда, 27 ёшли германиялик футболчига "Рома"дан жиддий қизиқишлар бўлмоқда. Унинг ўзи ҳам Италияга кетишга қарши эмас.
Марио Гётце жорий мавсум “Боруссия” сафида жами 19 та ўйинда майдонга тушиб, 3 та гол уришга эришди. Унинг клуб билан амалдаги шартномаси ёзда ўз ниҳоясига етади.
Фикрлар