Глейзерлардан бири МЮ даги акцияларини сотмоқчи

"Манчестер Юнайтед" клуби акциядорларидан бири ҳисобланган Кевин Глейзер ўз акцияларини сотиш бўйича ишларни бошлаб юборди.

Sport.es нашри тарқатган хабарга кўра Кевин айни дамда ўз акцияларини Б категориядан А категорияга айлантиришни бошлаб юборган. Чунки, А кетегориядаги акцияларни Нью-Йорк фонд биржасида сотиш ҳуқуқи пайдо бўлади.

Таъкидлаш керакки, Кевиннинг умумий акциялари 365 млн еврога баҳоланмоқда.

Эслатиб ўтамиз, Малком Глейзер бошчилигидаги Глейзерлар оиласи бундан 14 йил муқаддам МЮ ни сотиб олган эди. 2014 йилда Малком вафот этгач, жамоа акциялари унинг 6 та фарзанди ўртасида тақсимланган.