Годин А Сериянинг бошқа клубига ўтиши мумкин

"Интер" ҳимоячиси Диего Годин фаолиятини А Сериянинг бошқа бир клубида давом эттириши мумкин.

Хабарларга қараганда, 34 ёшли уругвайлик футболчига "Кальяри"дан жиддий қизиқиш бўлмоқда. Томонлар ўртасида аллақачон музокаралар бошлаб юборилган. Годинга “Ренн”дан ҳам таклиф бор.

Диего “Интер”га 2019 йилнинг ёзида эркин агент сифатида келиб қўшилган эди. У ўтган мавсум А Серияда 23 та ўйинда майдонга тушиб, 1 та гол ҳамда 1 та голли узатмага муаллифлик қилди. Унинг “нерадзуррилар” билан амалдаги шартномаси 2022 йилга қадар имзоланган.