Гол уришни унутиб бораётган ҳужумчи Италияга қайтмоқда

Икки йил олдин тўпурарлик маҳорати билан қатор гранд клублар эътиборини тортган польшалик ҳужумчи Кшиштоф Пёнтек “Милан”дан берилган имкониятдан фойлана олмаган эди.

Кейинчалик “Герта”га жўнатилган ҳужумчи Бундеслигада ҳам ўзини кўрсата олмади ва 15 та учрашувда рақиб дарвозасига атиги тўрт маротаба йўл топа олди холос.

Энди “Фиорентина” раҳбарияти бу футболчини А Серияга қайтариб, унга яна бир имконият беришга қарор қилди. “Герта” клуби ишончни оқламаган ҳужумчини олган нархидан арзонроққа қўйиб юборишга рози бўлди.

Январь ойида 27 миллион еврога харид қилинган Пёнтек учун италияликлар 20 миллион евро тўлаши керак бўлади.