Гранд клублар “Челси” қадрламаган футболчини талашяпти

“Челси”нинг 19 ёшли футболчиси Жош Ачимпонг етарли даражада ўйин амалиётига эга бўлмаётгани ортидан Лондон клубини тарк этиш истагини билдирган эди.

Айни пайтнинг ўзида иқтидорли ҳимоячига қитъанинг бир неча нуфузли клублари иш беришга тайёр. 

Caught Offside нашри тарқатган маълумотларга кўра, ўнг қанот ҳимоячисини “Реал”, “Ливерпуль” ва “Боруссия Дортмунд” ўз сафига чорламоқда.

Экспертларнинг фикрича, Ачимпонгнинг трансфери харидорларга 25-30 миллион евро атрофида тушиши мумкин. Академиядан чиққан футболчини сотиш “Челси”га молиявий жиҳатдан катта эркинлик бериши мумкин.

Жорий мавсумда Ачимпонг барча мусобақаларда 24 та ўйинда иштирок этиб, икки гол ҳам урди. Унинг клуб билан амалдаги меҳнат шартномаси 2029 йил ёзигача тузилган.

Transfermarkt портали маълумотига кўра, футболчининг бозор қиймати €25 млн ни ташкил этади.