Гранд клублар қизиқаётган футболчининг нархи қанча?

“Лейпциг” футболчиси Йошко Гвардиол бир қатор клублар эътиборида бўлиб турибди. Унинг мундиалдаги кўрсатган ўйинлари, совчиларни янада кўпайишига олиб келди. Ҳимоячи жаҳон чемпионатида Хорватиянинг барча ўйинларида асосий таркибда майдонга тушиб, бир маротаба ҳам захирага олинмади.

“Footmercato” нашри бераётган хабарларга кўра, Немис клуби Гвардиол учун 100 миллион евро талаб қилмоқда. “Манчестер Сити”, “Манчестер Юнайтед, “Челси” ва “Барселона” футболчини ўз таркибига қўшиб олишни истайди. Англия жамоалари ушбу трансферга ҳаракатни бошлаган.

Гвардиол ўтган ёзда “Челси”га ўтиши мумкин эди. Аммо клуб 90 миллион евролик таклифни рад қилиб, ҳимоячи билан шартномани 2027 йилгача узайтирган.