Грилиш “Манчестер Сити”ни нега танлаганини айтди

“Манчестер Сити” таркибига қўшилган Жек Грилиш янги жамоаси ва бош мураббий Хосеп Гвардиола ҳақида илиқ фикр билдирди.

- Мен бу жамоага ўтиб Европа Чемпионлар лигасида ўйнаш, совринлар учун курашиш ва зўр футболчилар билан тажриба алмашиш имкониятини қўлга киритдим. Шунингдек, мен “Манчестер Сити”ни бошқараётган дунёнинг энг зўр мураббийи билан ишлашни истадим. Бу “шаҳарликлар” сафига ўтишимда асосий омиллардан бўлди.

“Манчестер Сити” катта салоҳиятга эга ва охирги ўн йилликнинг энг қудратли клубидир. Мен бу жамоага рад жавобини беролмасдим. “Сити” билан жуда кўп совринларни ютишимга ишонаман, - деди Жек Грилиш.

Грилиш “Астон Вилла” тарбияланувчиси ҳисобланади ва ушбу жамоа учун 2012 йилдан бери ўйнаб келмоқда. 25 шли ярим ҳимоячи ўтган мавсумда премьер-лигада 26 та учрашувда қатнашиб, олтита гол ва 12 та голли пас муаллифи бўлди.