Грилиш ўзи тўқнаш келган энг кучли ҳимоячиларни санаб берди

"Манчестер Сити" жамоасининг қанот ҳужумчиси Жек Грилиш ўзи тўқнаш келган энг кучли рақиб ҳақидаги саволга жавоб берди.

- Бу Кайл Уокер. У ажойиб ҳимоячи: тез ва кучли. Уни яккама-якка дуэлларда енгиш жуда қийин.
- Ван-Биссака ҳақида қандай фикрдасиз? 
- Ҳа, мен уни энг яхши учликка киритган бўлардим. У ҳақиқатан ҳам ҳимояда зўр.
- Карвахални қандай баҳолайсиз?
- Биз бир-биримизга қарши кўп маротаба ўйнаганмиз ва жуда кўп ажойиб ўйинлар ўтказганмиз. Унинг фаолияти ҳам ақлбоварқилмас даражада ўтмоқда, - деди Грилиш "Sky Sports" нашрига берган интервьюсида.

Маълумот учун, Грилиш 2021 йилда "Манчестер Сити" сафига келиб қўшилган. Унгача эса ўзи тарбия топган "Астон Вилла" жамоасида тўп тепган эди.