Grilish o‘zi to‘qnash kelgan eng kuchli himoyachilarni sanab berdi

"Manchester Siti" jamoasining qanot hujumchisi Jek Grilish o‘zi to‘qnash kelgan eng kuchli raqib haqidagi savolga javob berdi.

- Bu Kayl Uoker. U ajoyib himoyachi: tez va kuchli. Uni yakkama-yakka duellarda engish juda qiyin.
- Van-Bissaka haqida qanday fikrdasiz? 
- Ha, men uni eng yaxshi uchlikka kiritgan bo‘lardim. U haqiqatan ham himoyada zo‘r.
- Karvaxalni qanday baholaysiz?
- Biz bir-birimizga qarshi ko‘p marotaba o‘ynaganmiz va juda ko‘p ajoyib o‘yinlar o‘tkazganmiz. Uning faoliyati ham aqlbovarqilmas darajada o‘tmoqda, - dedi Grilish "Sky Sports" nashriga bergan intervyusida.

Ma’lumot uchun, Grilish 2021 yilda "Manchester Siti" safiga kelib qo‘shilgan. Ungacha esa o‘zi tarbiya topgan "Aston Villa" jamoasida to‘p tepgan edi.