Гризманн Франция терма жамоасининг сўнгги 16 йилдаги энг тезкор голини урди

Франция терма жамоаси Евро-2024 саралаши гуруҳ босқичининг 1-турида ўз майдонида Нидерландияни 4:0 ҳисобида мағлубиятга учратди.

Ушбу ўйиндаги биринчи гол муаллифи Антуан Гризманн бўлди. Ҳужумчи гол уриш учун 1 дақиқа 55 сония вақт етарли бўлди.

Футбол статистикаси бўйича машҳур Opta портали маълумотларига кўра, Антуан Гризманн ушбу голи 2006 йилнинг 11 октябридан бери Франция терма жамоаси томонидан киритилган энг тезкор гол сифатида қайд этилди. Эслатиб ўтамиз, 16 йил муқаддам Луи Саа Фарер ороллари терма жамоаси дарвозаси 37 сониядаёқ йўл топган эди.

Энди Франция терма жамоаси саралашнинг 2-турида Ирландияга қарши сафар учрашувини ўтказади. Ўйин бугун бўлиб ўтади.