Grizmanning Frantsiya terma jamoasidagi seriyasi o‘z nihoyasiga etdi

"Atletiko"ning asosiy futbolchilaridan biri bo‘lgan Antuan Grizmann uchun mavsum yaxshi kayfiyatda o‘tmoqda. U jamoa bilan Chempionlar ligasi chorak finaliga yo‘l olishga muvaffaq bo‘ldi. Ammo tez-tez jarohat sabab safdan chiqishga ham ulguryapti. 

"Barselona"ga qarshi bahsni zaxiradan boshlagan vingerning to‘pig‘idan jarohat olgani ma’lum bo‘ldi. Avvaliga Frantsiya terma jamoasining qaydnomasidan joy olgan Antuan FIFA kunlarini o‘tkazib yuborishiga to‘g‘ri keladi. Bu haqida frantsuzlar rasmiy bayonot ham berib o‘tdi. 

Shu tariqa, Grizmanning ketma-ket 84 ta o‘yinlik seriyasi o‘z nihoyasiga etmoqda. U so‘nggi marta 2017 yil Angliyaga qarshi o‘rtoqlik bahsida maydonga tushmagan. Shundan beri Frantsiyaning barcha o‘yinlarida ishtirok etib kelayotgandi.