Ғуломхўжаевнинг

Маълумки, яқинда “Андижон” клубига Отабек Ғуломхўжаев бош мураббий этиб тайинланганди. Клуб матбуот хизматининг хабар беришича, у кеча ёрдамчиси Дониёр Усмонов билан Андижонга етиб келган.

Дастлаб, янги мураббийлар клуб қароргоҳи ҳамда машғулот майдонларининг бугунги ҳолати билан яқиндан танишди. “Соғлом авлод” стадионини кўздан кечирган ҳолда дастлабки таассуротларга эга бўлди.

Гуломхщжаев

Шундан сўнг, “Болалар ва ўсмирлар футбол мактаби”даги майдонларнинг ҳолатини ҳам кўздан кечиришди.

Бугун эса, клуб қароргоҳида йиғилиш бўлиб ўтди. Унга кўра, клуб раҳбари бош мураббий Отабек Ғуломхўжаев ва ёрдамчиси Дониёр Усмоновни жамоа аъзоларига таништирди.

гуломхщжаев2

Ўз навбатида, Ғуломхўжаев “Андижон”ни Суперлигада сақлаб қолиш учун ҳамма бирлашиши ва бир ёқадан бош чиқариб, ҳамжиҳатликда ишлаш муҳимлигини айтиб ўтди.

Куннинг иккинчи ярмида “Андижон” футболчилари янги мураббий бошчилигида дастлабки машғулотини ўтказди. Айтиш керакки, биринчи кунги тайёргарлик жараёнлари кўтаринки кайфиятда ўтди.

гуломхщжаев3

Эслатиб ўтамиз, “Андижон” клуби 23-тур доирасида навбатдаги учрашувни 19 ноябрь куни ўз майдонида Муборакнинг “Машъал” жамоасига қарши ўтказади ва ушбу беллашув Ғуломхўжаевнинг дебют ўйинига айланади.   

Матнда хатолик топсангиз, ўша хатони белгилаб, бизга жўнатинг (Ctrl + Enter)