Гуруҳдошларимиз Португалия ва Колумбия март ойида 2 та ўртоқлик учрашувини ўтказади!

Хабарингиз бор, 2026 йилда бўлиб ўтадиган Жаҳон чемпионатининг гуруҳ босқичига қуръа ташланди. Ўзбекистон терма жамоаси эса "K" гуруҳидан жой олди.

Бизнинг гуруҳдошларимиз саналган Португалия ва Колумбия терма жамоаларининг март ойида ўтказиладиган ФИФА кунлари доирасидаги рақиблари маълум бўлди. Криштиану Роналду бошчилигидаги жамоа 28 март куни Мексика ва 31 март куни эса АҚШ билан баҳс олиб боради. Жанубий Америка қитъасидаги рақибларимиз эса Хорватия ва Франция билан ўртоқлик учрашувида майдонга тушади.

Маълумот учун, мундиал келаси йилнинг 11 июнидан старт олади.