Гвардиол: "Доннарумма жамоага жуда тез мослашди"

"Манчестер Сити" ҳимоячиси Йошко Гвардиол жамоага яқинда қўшилган дарвозабон Жанлуижи Доннарумма ҳақида фикр билдирди.

"Манчестер Сити"да ҳар доим юксак даражадаги дарвозабонлар бўлган ва Доннарумма ҳам шулардан бири. У жамоага жуда тез мослашди. Бу жуда муҳим, деб ўйлайман. Эсимда, мен келганимда лигага, рақобатга мослашиш учун қанча вақт керак бўлган. Биз уни жамоамизнинг бир қисми бўлганидан мамнунмиз, у ҳам ишини яхши бажаряпти. Бу фақат унинг эмас, бутун жамоанинг меҳнати.

Менимча, биз янада катта натижаларга эришишимиз мумкин. Биз бир-биримиз учун курашяпмиз, бир-биримиз учун ишлаяпмиз, ўзаро мулоқотимиз ҳам кучайган — бу беҳад яхши ҳолат.

Бундан ташқари, бундай дарвозабон бўлиши ўйинни анча енгиллаштиради. У тўп билан яхши муомала қилади, айниқса унинг бўйи катта эканлигини ҳисобга олганда. У дарвозадан чиқишдан қўрқмайди. Менимча, у жамоа учун жуда муҳим", — деди хорватиялик ҳимоячи.