Гвардиола: “ Родри “Олтин тўп”га давогарлиги шунчаки фантастика”

Пеп Гвардиола Родри “Олтин тўп”га лойиқлиги ҳақида гапирди. 

“Родрининг барқарорлиги одамни ҳайрон қолдиради. Агар, у “Олтин тўп”ни олса, мен жуда хурсанд бўламан. Родри “Олтин тўп”га давогар бўлиши унинг оиласи, дўстлари ва “Манчестер Сити” учун шунчаки фантастика.

Менимча, Испания терма жамоаси  Еврода барча тарафлама ажойиб натижа кўрсатди. Еттита ўйинда 7 та ғалаба қозониш осон эмас”,- деди “Манчестер Сити” бош мураббийи.

Эслатиб ўтамиз, Родриго Испания терма жамоаси билан "Евро-2024" финалида Англияни 2:1 ҳисобида мағлуб этиб, чемпион бўлган эди. Ярим ҳимоячи эса, турнирнинг энг яхши ўйинчиси деб топилган.