Гвардиола аламли мағлубиятдан кейин “Сити”даги келажаги ҳақида гапирди

“Манчестер Сити” бош мураббийи Хосеп Гвардиола Чемпионлар лигаси 1/8 финали жавоб ўйинида Мадриднинг “Реал” жамоасига қарши (1:2) баҳсдан сўнг ўз келажаги ҳақида фикр билдирди.

Қайд этиш жоиз, икки ўйин натижасига кўра “шаҳарликлар” турнирни тарк этди. “Реал” қаторасига учинчи йил манчестерликларни Чемпионлар лигасидан чиқариб юбормоқда.

- Пеп, сиз “Биз қайтамиз” дедингиз. Бу сизнинг “Манчестер Сити”да қолишингизни англатадими?

- Мен 10 йилдан кейин мураббийлик фаолиятимни тугатганимда ҳам “биз қайтамиз”, деб айтаман, чунки мен бу жараёнларнинг бир қисми ҳисобланаман.

“Барселона” ёки “Бавария”да ҳам клубнинг бир қисми эдим. Мен “Манчестер Сити”га жуда боғланганман, - деди Гвардиола.

Гвардиола 2016 йилдан бери “Манчестер Сити”ни бошқариб келмоқда. Унинг қўл остида жамоа олти марта Англия чемпиони бўлди, тўрт марта Англия лига кубогини қўлга киритди, уч марта Англия Суперкубогини ютиб олди, икки марта мамлакат кубогини, шунингдек бир мартадан Чемпионлар лигаси, клублар ўртасидаги жаҳон чемпионати ва УЕФА Суперкубогини қўлга киритди.