Гвардиола: АПЛ, УЕФА ва бошқалар фақат ўз чўнтагини ўйламоқда

"Манчестер Сити" бош мураббийи Пеп Гвардиола айни пайтда жамоаси дуч келаётган қийин тақвим хусусида сўз юритди.

"Ҳақиқатни рўй-рост айтиш керак. Фақат "Сити"дагина эмас, бошқа барча жамоаларда ҳам футболчилар етарлича дам олиш имкониятига эга бўла олмаяпти. Ҳеч ким улар ҳақида қайғурмаяпти. 

Улар мавсум аввалида атиги 2 ҳафталик танаффус олди. Энди эса 11 ой давомида ҳар 3 кунда футбол ўйнашга мажбурлар.

Премьер-лига, УЕФА ва бошқалар ўз бизнеси ва статусини сақлаб қолишга интилиш билан овора", - деди испаниялик мутахассис.