Гвардиола АПЛда ойнинг энг яхши мураббийи бўйича учинчи ўринга чиқиб олди

"Манчестер Сити"ни бошқараётган испаниялик мутахассис Хосеп Гвардиола Англия Премьер-лигасида ойнинг энг яхши мураббийи бўлиш бўйича учинчи ўринни эгаллади. Бу ҳақда Премьер-лига матбуот хизмати маълум қилди.

Февраль ойи якунларига кўра, Хосеп Гвардиола 12-мукофотини қўлга киритди. У "Эвертон"ни бошқараётган Девид Мойесни (11) ортда қолдирди. Етакчи - "Манчестер Юнайтед"нинг собиқ бош мураббийи Алекс Фергюсон (27), иккинчи эса "Арсенал"даги фаолияти билан танилган Арсен Венгер (15).

Бир ой ичида "Манчестер Сити" бешта ўйин ўтказиб, тўртта ғалаба ва битта дуранг қайд этди. "Шаҳарликлар" "Тоттенхэм" (2:2) билан бир очкодан бўлишгач, "Ливерпуль" (2:1), "Фулхэм" (3:0), "Ньюкасл Юнайтед" (2:1) ва "Лидс Юнайтед"ни (1:0) мағлуб этишди.