Гвардиола “Арсенал” ўйната олмаган супертўпурарни оляпти

Яқинда “Манчестер Сити” бош мураббийи Хосеп Гвардиола жамоа тўпурар ҳужумчисига муҳтож экани ва ёзги трансфер ойнаси ёпилгунича муҳим трансферни амалга ошириш имкони борлигини таъкидлаган эди.

Айни пайтда “шаҳарликлар” габонлик ҳужумчи Пьер-Эмерик Обамеянгни олишни режалаштирмоқда. “Канонирлар” устози Микель Артета тажрибали тўпурардан унумли фойдалана олмади ва клуб уни сотиб юборишга ҳаракат қилмоқда.

Ўз навбатида, Хосеп Гвардиола ҳам ўзи орзу қилган Ҳарри Кейнни Манчестерга олиб келолмади ва жамоага ҳужумда ўйнайдиган футболчи керак бўляпти.

“Арсенал” энг кўп маош олаётган ҳужумчисини 45 миллион фунтга қўйиб юборишга тайёр эканини билдирган.