Испанияда ўйнаган юлдуз Ўзбекистонни плей-оффда кутяпти

Футболчилик даврининг энг юқори чўққисига етган пайтда Испаниянинг  "Эспаньол" клуби шарафини ҳимоя қилган Россия миллий терма жамоаси собиқ ҳимоячиси Дмитрий Кузнецов 2026 йилги жаҳон чемпионати ҳақидаги фикрлари билан ўртоқлашди. 

- Жаҳон чемпионатида мен Испания учун ҳам, Ўзбекистон учун ҳам қайғуриб томоша қиламан. Испанияни танлашимга сабаб — мен Ла Лигада ўйнаганман. 

Ўзбекистон эса Россияга яқин, шу боис уларнинг муваффақияти мен учун ҳам муҳим. Ўзбек терма жамоасининг плей-офф босқичига чиқишини жуда истардим. Аслида, уларнинг ўзи жаҳон чемпионатига йўлланма олгани ҳам тарихий ютуқ, ҳақиқий жасорат, деб биламан. 

Мундиалнинг асосий фаворитлари сифатида эса мен Аргентина, Бразилия ва Францияни кўряпман — французлар таркиби жуда кучли. 

Шу билан бирга, менимча, Португалия ҳам кутилмаган совға тайёрлаши мумкин, — деди Дмитрий Кузнецов.

Бу галги жаҳон чемпионатига АҚШ, Мексика ва Канада яшил майдонлари мезбонлик қилмоқда. 11 июнь куни старт олган ва 19 июльга қадар давом этадиган футбол оламининг энг нуфузли мусобақасида тарихда илк бор 48 мамлакат терма жамоаси қатнашяпти. 

жаҳон чемпионати гуруҳ босқичида Ўзбекистон “К” гуруҳидан жой олган. Футболчиларимиз 18 июнь куни Тошкент вақти билан соат 7:00 да Луис Диас ва Хамес Родригес етакчилигидаги Колумбия терма жамоасига қарши биринчи учрашувини ўтказади.

Иккинчи турдан ўрин олган учрашув 23 июнь куни соат 22:00 га белгиланган. Унда миллий терма жамоамиз Криштиану Роналду бошчилигидаги Португалия билан куч синашади.

Гуруҳдаги охирги баҳс 28 июнь соат 4:30 да Конго Демократик Республикаси футболчиларига қарши ўтказилади.

Шотландиядаги юлдузга Ўзбекистон учун ўйнаш таклиф қилинди

Ҳушёр бўлинг, Ўзбекистоннинг икки устуни бор!

Бу тасодиф эмас! Ўзбекистонга қандай баҳо берилди?

Ўзбекистон — Колумбия ўйини бошланмай туриб, мундиалда мутлақ рекорд ўрнатди

АҚШ нега айнан Ўзбекистон терма жамоасини қаттиқ текширди?

Шомуродов бўйича расмий музокара бошланди. “Башакшеҳир” қанча сўраяпти?