Гвардиола: Бу ўйин АПЛнинг финали бўлади
"Манчестер Сити" бош мураббийи Хосеп Гвардиола Англия Премьер-лигасининг 32-турида пешқадам "Арсенал"га қарши бўлиб ўтадиган ўйин ҳақида гапирди.
"Биз ҳар бир ўйинда ғалаба қозонишимиз керак. "Арсенал" бу мавсумда жуда яхши ўйин кўрсатмоқда. Улар кўп очко йўқотиши даргумон, шунинг учун биз ортда қолиб кетмаслигимиз керак. "Канонирлар"га қарши ўйин финал бўлади. Агар ютқазсак, пойга деярли тугайди”, - деди Гвардиола BBC Sport нашрига берган интервьюсида.
Эслатиб ўтамиз, "Манчестер Сити" айни дамда АПЛ мусобақа жадвалида пешқадам "Арсенал"дан 3 очко ортда қолмоқда. Ушбу жамоалар ўртасидаги ўйин 26 апрель куни Манчестерда бўлиб ўтади.
Фикрлар