Гвардиола: "Бундай уйинлар туфайли стадион бўш қолмайди"

Хосеп Гвардиола УЕФА Чемпионлар лигасидаги "Барселона" ва "Интер" ўйинидан ҳайратга тушди.

- Ўйиннинг ажойиб даражада ўтганидан ҳайратдаман. Бундай учрашувлар туфайли стадионлар ҳеч қачон бўш қолмайди ва бизнесимиз ривожланади. Чемпионлар лигасининг иккала ярим финали учун шунчаки миннатдор бўлишим мумкин - иккаласи ҳам ажойиб ўтди, айниқса кечагиси.

"Барселона"нинг бундай ўйини билан стадионлар ҳеч қачон бўш қолмайди. Биз бу соҳада узоқ вақт фаолият юритишимиз мумкин. Натижа қандай бўлишидан қатъи назар, "Барселона" мухлислари қанчалик фахрланишини кўриш мумкин.

Менимча, "Интер" яна бир бор ўзининг ажойиблигини исботлади. Уларнинг ҳимояланиш усули, қайта сафланиши, жисмоний тайёргарлиги ва ташкилотчилиги жуда яхши.

Индзаги - ажойиб мураббий. Келаси сешанба ва чоршанба кунлари иккита ажойиб ўйин бўлиб ўтади. Бу тўртта ажойиб жамоа у ерда бўлишга муносиб..." - деди "шаҳарликлар" бош мураббий.

Маълумот учун, жамоалар турнирнинг биринчи ярим финал учрашувида дуранг ўйнади (3:3). Чемпионлар лигасининг бошқа ярим финалида эса ПСЖ "Арсенал"ни мағлуб этди (1:0).