Гвардиола: Ҳеч қандай байрам бўлмайди!

Хосеп Гвардиола “Манчестер Сити”нинг “Челси” устидан Англия кубоги финалидаги 1:0 ҳисобидаги ғалабасидан кейин фикр билдирди.

Учрашув Лондондаги “Уэмбли” стадионида бўлиб ўтди ва унда Антуан Семеньонинг суперголи манчестерликларнинг ғалабасини таъминлади. Ушбу баҳсда бош ҳакам вазифасини Даррен Инглэнд бажарди.

- Ҳис-туйғулар босилди. Мен бахтли инсонман. Бу мавсум ҳақиқатан ҳам яхши ўтди. Ўтган мавсум кўп сабабларга кўра энг қийини бўлганди.

Бу мавсумда ҳар бир ўйинда ўзимизни қандай кўрсатаётганимиз муҳим. Балки бизга барқарорликка эришиш учун вақт керак бўлгандир.

Ҳеч қандай байрам бўлмайди. Биласизлар, Премьер-лигадаги “Борнмут”га қарши ўйин янада қийин кечади. У ерга бориб, яхши натижага эришишга ҳаракат қиламиз, - деди Гвардиола BBC нашрига берган интервьюсида.