Гвардиола: "Ҳимоямизда Абдуқодир Ҳусанов ва Натан Аке бор"

"Манчестер Сити" бош мураббийи Хосеп Гвардиола жамоадаги ҳозирги кадрлар ҳолати ҳақида фикр билдирди.

— Бизда марказий ҳимояда Абдуқодир Ҳусанов ва Натан Аке яна сафга қайтди. Макс Аллейн "Уотфорд"даги ижарадан қайтди — ёш футболчига қилган ишлари учун "Уотфорд"га миннатдормиз. Умар Мармуш ва Раян Айт-Нури Африка Миллатлар кубогида иштирок этмоқда. Жон Стоунз ва Оскар Боббда жароҳат бор. Жереми Доку ва Родри эса узоқ танаффусдан кейин қайтмоқда. Ҳозирги вазият шу.

— Бу ҳолатга дош бера оласизми? Албатта! Биздаги жамоавий руҳ билан ҳар доим бу каби қийинчиликларни енгиб ўта оламиз, — дея таъриф бериб ўтди испаниялик мутахассис.

Эслатиб ўтамиз, эртага "шаҳарликлар" ўз майдонида "Брайтон"ни қабул қилади. Бўлажак тўқнашув Тошкент вақти билан 00:30’да старт олади.