Гвардиола "Интер"га келадими? Клуб президенти жавоб берди

"Интер" президенти Стивен Чан жамоа бош мураббийлигига Хосеп Гвардиоланинг таклиф қилиниши мумкинлиги ҳақидаги саволга жавоб берди.

Эслатиб ўтамиз, шанба оқшомида "Интер" Чемпионлар лигаси финалида айнан Гвардиола бошқарувидаги "Манчестер Сити"га 0:1 ҳисобида мағлуб бўлган эди.

“Гвардиола яхши мураббий. У ишлаган ҳамма жойда ғалаба қозонди. У билан ишлаш, албатта, завқли бўларди. Лекин мен А Серияда тажрибага эга бўлган мураббийлар билан ишлашни афзал кўраман”, - деди Чан La Gazzetta dello Sport нашрига берган интервьюсида.