Гвардиола Испаниядан юз ўгирдими?

Испания терма жамоасининг машҳур дарвозабони Сантьяго Канисарес “Манчестер Сити” бош мураббийи Хосеп Гвардиоланинг сиёсий қарашларига муносабат билдирди. Маълумки, Гвардиола Испания таркибидаги Каталониянинг мустақиллиги тарафдори ҳисобланади.

- Гвардиола терма жамоа чатига қўшилмаган. Нима бўлганини билмайман, у билан алоқа узилган. Олимпиадада ўйнаган футболчиларнинг барчаси ўзаро алоқада. Фақат Гвардиола йўқ. Балки вақти йўқдир. Танқиддан йироқмиз. Лекин Луис Энрике ва Абелардо каби иши кўп жамоалошларимиз ҳам чатда фаол. Менга унинг Испания тўғрисидаги қарашлари ва гаплари ёқмайди. Мияси қачон заҳарланганини билмайман, - деди Канисарес.

Гвардиола фаолиятининг катта қисмини “Барселона”да ўтказган. У каталонияликлар таркибида ҳам футболчи, ҳам мураббий сифатида кўплаб ютуқларни қўлга киритган.

 

Матнда хатолик топсангиз, ўша хатони белгилаб, бизга жўнатинг (Ctrl + Enter)