Гвардиола Клоппга Чемпионлар лигаси кубогига АПЛ чемпионлигини алмаштиришни таклиф қилди

"Манчестер Сити" клуби бош мураббийи Хосеп Гвардиола "Ливерпуль" устози Юрген Клоппга ўзаро совринлар алмашиш борасида ҳазил қилди.

“Мен Чемпионлар лигасида ғалаба қозонишни хоҳлардим, у эса Англия чемпионатида. Балким биз ўзаро совринларни алмаштирармиз”, - дейди испаниялик мутахассис.

Эслатиб ўтамиз, “Манчестер Сити” сўнгги икки мавсумда АПЛда ғолиб бўлди, “Ливерпуль” эса ўтган мавсум ЕЧЛда ғалаба қозонди.