Гвардиола масалани пул билан ҳал қилмоқчи

“Бавария” сафидаги энг иқтидорли ўйинчилардан ҳисобланган Жамол Мусиала келси мавсум олдидан жамоасини ўзгартириши мумкин.

Айни пайтда Европанинг бир неча грандлари20 ёшли футболчига кўз тиккан. “Бавария” раҳбарияти ҳам у билан янги шартнома тузмоқчи. Бироқ музокаралар силлиқ кетмаяпти.

“Манчестер Сити” бош мураббийи Хосеп Гвардиола ҳам Мусиалани ўз жамоасида кўрмоқчи. Испаниялик мутахассис “Бавария”ни бошқараётган ҳамкасби Томас Тухелдан фарқли ўлароқ, Жамолга ўйин амалиётини кафолатлашга тайёр. Клуб эса, Мусиалага агентлар талаб қилаётган даражада маош беришга рози бўлган.

“Шаҳарликлар” Жамол Мусиала яқин келажакда 32 ёшли Кевин де Брюйненинг ўрнини эгаллашига  қаттиқ ишоняпти. Бу трансферни амалга ошириш учун 120 миллион евро миқдорида харажат қилиш керак бўлади.