Гвардиола: "Натижа — натижа, аммо ўйинимиз жуда ёқди"

Хосеп Гвардиола "Брайтон"га қарши дурангдан сўнг матбуот анжуманида иштирок этиб, ўйин ҳақида ўз фикрлари билан ўртоқлашди

— Ғалабага лойиқ бўлиш ҳақида гап эмас. Натижа — натижа. Мен қилган ишимиз адолатсиз бўлди, деб ўйлайдиган инсон эмасман. Ҳисоб шундай: уларга бир очко, бизга ҳам бир очко — ҳолат шу.

Мен ўйнаган тарзимиздан жуда-жуда мамнунман. Жуда кўп янги футболчилар бор эди ва кўплаб ижобий жиҳатларни кўрдим. Ростини айтсам, айнан шу яхши жиҳатлар менга жуда ёқди.

Лекин биз гол ура олмаяпмиз. Жуда кўп аниқ вазиятлар бўлмоқда. Бу битта, иккита ёки учта футболчига боғлиқ эмас — ҳужумдаги барча ўйинчилар ҳақида гап кетяпти. Биз имкониятлар яратяпмиз, аммо афсуски, уларни голга айлантира олмаяпмиз. Гол уриш — бу сенинг ишингнинг бир қисми.

Биз ажойиб ўйнадик. Ҳимояда жамоа жуда жипс ҳаракат қилди, барча футболчилар билан яхши ҳимояландик. Лекин олти метрли майдон ичида ҳам кўп имкониятлар бўлди, улардан фойдалана олмадик. Бу барчамизга тегишли.

Премьер-лигада чемпионлик пойгаси ҳақида эса шундай деди:

— Агар ўйинларда ғалаба қозонмасак, ҳеч нарса ҳақида ўйлаб бўлмайди. "Ноттингем Форест"га қарши жуда қийин ўйинда ажойиб натижа қайд этдик. Кейинги уч ўйинни таҳлил қилсак, ўйинимиз жуда яхши бўлди.

Ҳакамлик ҳақида:

— "Брайтон"га қарши ўйинда бу пенальти эди. Ҳакам нега чалмаганини билмайман, VAR орқали ҳам буни кўриш керак эди. Жуда очиқ эпизодлар бўлди. Ҳозир ҳакамлар учун иш анча осон — қарор қабул қилиш ҳам осон.

Бу мавсум нега ўтган йилгидек эмаслиги ҳақида:

— Бу жуда аниқ. Гап ўйинимиз услубида ва энергияда. Ҳаммаси жуда оддий: энергиямиз ва ўйнаш тарзимиз имкониятлар яратишга олиб келяпти. Кутилган голлар бор, лекин тўпни дарвозага кирита олмаяпмиз. Муаммо шу, холос. Бу фақат битта футболчи эмас, кўпчиликка тегишли.