Гвардиола: "Нега у рақибга қўл теккизгани билан қўполлик қайд этилади?"

"Манчестер Сити" устози Хосеп Гвардиола Эрлинг Холанд ҳақида гапирди.

"Холанд ўзига нисбатан кўпроқ қоида бузарлик ишлатадиган ягона ҳужумчи. Мен бунақасини ҳеч қачон кўрмаганман. Мавсум бошида ҳакамлар бунинг акси бўлишини ва Холандга нисбатан фоллар кўп бўлишини айтишган эди, бироқ бунинг тескариси бўлмоқда. Мен буни тушунмайман ва нима учун Эрлинг рақибга қўл теккизгани заҳоти айнан у томонидан қўполлик ишлатилгани қайд этилади? Жуда тушунарсиз", - деди Гвардиола

Маълумот учун, Эрлинг Холанд жорий мавсумда барча мусобақаларда умумий 29та учрашувда иштирок этиб, 26та гол ва 4та голли узатмани ўз номига ёздириб қўйди.