Гвардиола Неймарга нега қўнғироқ қилди?

ПСЖ ҳужумчиси Неймар айни пайтда жароҳатини даволатиш билан банд. У келаси мавсум бошида майдонга қайтиши керак.

Шунга қарамай, Неймар ёзда бошқа жамоага ўтиши ҳақида ахборотлар кўпайиб бормоқда. Хусусан, кўпчилик бразилиялик юлдуз Англия Премьер-лигасига кўчиб ўтади, деган тахминни илгари сурмоқда.

Айниқса, Англия чемпионлигини қўлга киритган “Манчестер Сити” бош мураббийи Хосеп Гвардиоланинг Неймарга қўнғироқ қилгани бу тахминларни янада кучайтирди.

L’Equipe журналининг ёзишича, испаниялик мутахассис ҳақиқатан  31 ёшли футболчига телефон қилган. Бироқ, Гвардиола ҳужумчидан ҳол-аҳвол сўраш мақсадида унга боғлангани айтилмоқда. Томонлар трансфер бўйича гаплашмаган.