Гвардиола Никога Родрини рақобатда ютиш йўлини ўргатди

“Манчестер Сити” бош мураббийи Хосеп Гвардиола ярим ҳимоячи Нико Гонсалес қандай қилиб Родрини асосий таркибдан сиқиб чиқариши мумкинлигини тушунтирди.

Мавсумнинг иккинчи ярмида Родри тизза жароҳатидан кейин яна энг яхши формасига қайтди, аммо бу ҳолат Гонсалеснинг ўйин вақтларига салбий таъсир қилди.

Гонсалес шанба куни ўз имкониятини қўлга киритди ва “Саутгемптон”га қарши Англия кубоги ярим финалида узоқ масофадан урган ажойиб голи билан “Сити”га 2:1 ҳисобида иродали ғалаба келтирди.

“Уэмбли”даги учрашувдан кейин Гвардиола 24 ёшли испаниялик ўйинчига ўзига ишониш ва таваккал қилишдан қўрқмасликни маслаҳат берди.

- Ундан шундай гол кутганмидим? Йўқ, мен голларни кўпроқ вингерлар ва ҳужумчилардан кутаман. Аммо у бунга лойиқ.

Нико ажойиб мавсум ўтказмоқда, қандай гол! У ўзига кўпроқ ишониши ва фақат хавфсиз ўйнаш эмас, кўпроқ иш қила олишига умид қилиши керак.

Шундай руҳият билан у таянч ярим ҳимоячи сифатида ўйнаши лозим. У ёш йигит ва яна жуда катта ўсишга эриша олади, - деди Гвардиола BBC нашрига.