Гвардиола ниятига етди. "Манчестер Сити"га Португалия терма жамоаси ҳимоячиси келади

"Бенфика" ўзининг расмий сайтида "Манчестер Сити" билан футболчи алмаштирганини эълон қилди.

Унга кўра, “шаҳарликлар” лиссабонликларнинг марказий ҳимоячиси Рубен Диашни 68 миллион еврога сотиб олади. Ушбу сумма келажакдаги бонуслар ҳисобига яна 3,6 миллион еврога ошиши мумкин.

“Бенфика” эса, 15 миллион еврога “Сити”нинг аргентиналик ҳимоячиси Николас Отамендини харид қилади.

Ҳар иккала футболчи ҳам тез орада янги жамоалари сафида тиббий кўрикдан ўтиши ва шартнома имзолаши кутилмоқда.