Гвардиола ўйнаётматган юлдузни гранд клуб олиб кетмоқчи

“Манчестер Сити” ярим ҳимоячиси Матео Ковачич фаолиятини Италия чемпионатида давом эттириши мумкин. 31 ёшли футболчига “Милан” жиддий қизиқиш билдирмоқда.

Журналист Пьетро Бальцанонинг хабар беришича, “Милан” мутасаддилари эҳтимолий ёзги трансферни муҳокама қилиш учун хорват футболчиси билан алоқага чиққан.

Ковачич жароҳат ва турли бошқа сабабларга кўра, Хосеп Гвардиола жамоасида жорий мавсум деярли майдонда кўриниш бергани йўқ. 31 ёшли футболчи Европа Чемпионлар лигасида 33 дақиқа, Англия Премьер-лигасида 4 дақиқа тўп тепди холос.

Италия клублари Ковачичнинг имкониятларини жуда яхши билади. У илгари 2013-2015 йиллар давомида Милан шаҳрининг бошқа клуби – “Интер”да фаолият юритган. Кейинчалик “Реал” ва “Челси”да ҳам ўйнаган.

“Манчестер Сити”га 2023 йили ёзда олиб келинган Матеонинг “шаҳарликлар” билан амалдаги шартномаси 2027 йилнинг 30 июнида тугайди.

Transfermarkt порталида Матео Ковачичнинг баҳоси 15 миллион евро экани кўрсатилган. Футболчининг ўзи ҳам мунтазам ўйин амалиётига эга бўлиш учун муҳитни ўзгартиришга қарши эмас.