Gvardiola Rodrining «Real» va «Barselona» oʻrtasidagi tanloviga hal qiluvchi ta'sir koʻrsatgan

«Manchester Siti» va «Barselona» klublarining sobiq bosh murabbiyi Xosep Gvardiola angliyalik yarim himoyachi Rodriga yangi jamoa tanlash jarayonida maslahatchi sifatida yordam bergani ma’lum bo‘ldi. Bu haqida Goal nashri radio COPE’ning La Tarde dasturida jurnalist Melchor Ruis aytgan so‘zlariga tayanib xabar berdi.

Manba ma’lumotiga ko‘ra, Rodri bir necha vaqt oldin Gvardioladan «Barselona» va Madriddagi «Real» klubi o‘rtasida tanlov qilish masalasida maslahat so‘ragan. Gvardiola bu borada o‘z fikrini aniq bildirib, ispaniyalik futbolchiga «Barselonani» tanlashni tavsiya etgan. Unga ko‘ra, kataloniyaliklar uslubi yarim himoyachi o‘yiniga ko‘proq mos keladi. Yakuniy qaror baribir o‘yinchining o‘ziga qolgan bo‘lsa-da, jurnalistning ta’kidlashicha, Gvardiolaning maslahati 30 yoshli jahon va Yevropa chempioni tanloviga hal qiluvchi ta’sir ko‘rsatgan.

Rodrining o‘zi ham «Barselona» falsafasini Gvardiola qo‘l ostida «Manchester Siti»da yillar davomida his etgan o‘yin uslubiga «Real» taklif etayotgan modelga nisbatan ancha yaqin deb hisoblaydi. Sine-anorranglilar bosh murabbiyi Xansi Flik bilan suhbatlar esa «Oltin to‘p» sohibi uchun bu fikrni yanada mustahkamlagan.

Shuningdek, Rodri «Barselonada» Ispaniya terma jamoasidagi ko‘plab sheriklari bilan birga o‘ynash imkoniyatiga ega bo‘lishini ham inobatga olmoqda. U shu futbolchilar bilan birgalikda jahon va Yevropa chempionatlarida g‘olib chiqqan. Shu jihat ham moliyaviy shartlardan qat’i nazar, kataloniyaliklar klubi foydasiga qo‘shimcha ustunlik sifatida qayd etilmoqda.