Гвардиола “Сити”ни кимга топширишини айтди

“Манчестер Сити” бош мураббийи Хосеп Гвардиола келажакда жамоани қайси мутахассис бошқаришини айтди.

-Вақти келиб, Венсан Компани “Манчестер Сити” бош мураббийи  бўлади. Тақдирида шундай ёзилган бўлса, бу амалга ошиши керак. Эртами кечми, барибир Венсан “Манчестер Сити”ни бошқаради. Қачонлигини билмайман. Мен у билан гаплашганим йўқ. Лекин Компани бу клубни жуда яхши билади, - деди Хосеп Гвардиола.

52 ёшли испаниялик мутахассис “шаҳарликлар”га 2016 йилнинг ёзидан бери устозлик қилмоқда.36 ёшли Венсан Компани эса, “Бёрнли” бош мураббийи ҳисобланади.  

Англия кубогининг чорак финалида “Манчестер Сити” ва “Бёрнли” жамоалари ўзаро тўқнаш келади.