Гвардиола “Сити”ни тарк этадими? У “Барселона” президенти билан нега учрашди?

“Манчестер Сити”ни учта мусобақа ғолибига айлантирган Хосеп Гвардиола “Барселона” президенти Жоан Лапорта билан учрашгани турли тахминларни келтириб чиқарди.

Маълумотларга қараганда, улар Барселона шаҳридаги ресторанлардан бирида учрашган.

Mundo Deportivo нашри журналистларининг аниқлашича, Гвардиола ва Лапорта ўзаро ҳамкорликни муҳокама қилмаган. Улар ўзларига яқин бўлган маслакдошлари билан “Манчестер Сити” ва “Барселона” учун муваффақиятли ўтган мавсумни биргаликда нишонлаш учун йиғилишган.

Хабарингиз бор, “Барселона” тўрт йиллик танаффусдан кейин биринчи марта Испания чемпионлигига сазовор бўлди.