Гвардиола яна бир қиммат футболчини кутяпти
“Манчестер Сити” бош мураббийи Хосеп Гвардиола ёзги трансферлар ойнаси охиригача майдон марказини кучайтирадиган ўйинчи олмоқчи.
Аслида “шаҳарликлар” бу позицияга “Вест Хэм” ярим ҳимоячиси Лукас Пакетани олишга жуда яқин турганди. Бироқ, бу футболчи қиморга аралашганликда гумон қилинганидан кейин “сити” музокараларни тўхтатди.
Daily Mail нашрининг ёзишича, энди “Манчестер Сити” мутасаддилари эътиборини “Кристал Пэлас” вакили Эберечи Эзега қаратди.
25 ёшли футболчи учун “Кристал Пэлас” 70 миллион фунт талаб қилмоқда.
Эберечи Эзе жамоа таркибида уч йилдан бери тўп тепяпти. Июнь ойида Эзе Англия миллий терма жамоасида дебютини нишонлади.
Фикрлар