Гвардиола "Ювентус"нинг таклифини 3 марта рад этди, Сарри эса рози бўлди

Лондоннинг "Челси" клуби бош мураббийи Маурицио Сарри яна Италияга қайтиши мумкин.

Италиялик журналист Танкреди Палмерининг хабар беришича 60 ёшли мутахассис “Ювентус” билан келишувга эришган. Таъкидлаш керакки, “Манчестер Сити” бош мураббийи Хосеп Гвардиола туринликларнинг таклифини 3 марта рад этгач, улар айнан Сарри номзодига тўхталишган.

Эслатиб ўтамиз, “Ювентус”нинг амалдаги бош мураббийи Массимилиано Аллегри бугун бўлиб ўтадиган “Сампдория”га қарши ўйиндан сўнг жамоани тарк этади.