Гвардиоланинг кардигани ким ошди савдосида 6 минг фунтга сотилди
Ads

“Манчестер Сити” клуби бош мураббийи Хосеп Гвардиоланинг омадли кардигани ким ошди савдосида сотилди.

The Sun нашри тарқатган хабарга кўра ушбу буюмни “шаҳарликлар”нинг АҚШлик мухлиси Жеймс Хож 6 минг фунтга сотиб олди. Таъкидлаш керакки, ушбу маблағ жамиятда соғлом овқатланишни молиялаштиришга йўналтирилади.

Маълумот учун, Гвардиола ушбу кардиганни ўтган мавсум жами 30та ўйинда кийиб тушди. “Челси”га қарши бўлиб ўтган лига кубоги финалида ҳам у айнан мана шу кийимда эди. Қайд этиш лозимки, ушбу кардиганнинг нархи тахминан 1300 еврони ташкил этади.