Гётцега Лондон клубидан таклиф бўлмоқда

Германиялик ҳужумкор ярим ҳимоячи Марио Гётце фаолиятини Англия премьер-лигасида давом эттириши мумкин.

Daily Express нашри тарқатган хабарга кўра, эркин агент ҳисобланган 28 ёшли футболчига “Вест Хэм”дан таклифлар бўлмоқда. “Болғачилар” Марио учун курашда “Монако” ва “Фиорентина” клублари билан рақобатлашишларига тўғри келади.

Гётце ўтган мавсум “Боруссия” Дортмунд сафида Бундеслигада жами 15 та ўйинда майдонга тушиб, рақиб дарвозасига 3 та гол урди.