Ҳабиб Нурмагомедов: Аниқ биламан, йил охирида у енгил вазнда энг зўри бўлади

UFC'нинг енгил вазн тоифасидаги собиқ чемпиони Ҳабиб Нурмагомедов Ислам Махачевнинг йил якунида ўз вазнида энг зўр жангчи бўлишига ишонишини айтди:

"Ҳамма ҳозир Чендлер, Оливейра, Порье, Конор ва Гетжи ҳақида гапирмоқда. Лекин менинг фикримча, йил якунида ёки келгуси йил бошида энг зўри Ислам Махачев бўлади. 

Кимдир гапириши мумкин: Ислам сенинг дўстинг бўлгани учун шундай деяпсан. Йўқ, мен ҳақиқатан ҳам, унинг қандай потенциалга эгалигини биламан. У билан октагонда ва залда қарама-қарши бўлган барча бу гапларимни тасдиқлаши мумкин. 

Лэон Эдвардс, Камару Усман ёки Ди Си (Дэниель Кормье)дан ҳам сўрашингиз мумкин. Шу сабабдан, бемалол айтишим мумкинки, у енгил вазндаги энг зўри бўлади", - деди Ҳабиб.