Ҳакамлар ва назоратчиларни имтиҳон кутмоқда

16-18 ҳамда 19 июль кунлари Ўзбекистон футбол ҳакамлари маркази томонидан Cоcа-cоlа Суперлигаси, Про-лига, Биринчи лига ва аёллар футболи ҳакамлари ҳамда назоратчилар учун ўқув-машғулот йиғинлари ўтказилади.

Йиғин давомида 16-18 июль кунлари ҳакамлар учун жисмоний тайёргарлик, ўйин қоидалари бўйича семинар ҳамда биринчи даврадаги ўйинлар таҳлили амалга оширилса, 19 июль куни назоратчилар ўйин қоидалари имтиҳони, видео тест ва ўйин қоидалари юзасидан ёзма имтиҳон топширишлари кўзда тутилган.

Ушбу ўқув машғулотларда умумий ҳисобда 150 нафар ҳакам ва назоратчилар иштирок этиши режалаштирилган.