Ҳакамлик бўйича масъуллар баҳсли вазият борасида муносабат билдирди

Ўзбекистон Суперлигасининг 6-туридан ўрин олган "Пахтакор" — АГМК учрашувининг 31-дақиқасида мезбонлар футболчиси рақибига нисбатан қўполлик ишлатди. Ушбу ҳолатда ҳакам аввалига қизил карточка кўрсатди, ВАР ҳакамлари эса вазиятни қайта кўришни тавсия қилгач, қарор сариқ карточкага ўзгартирилди.

Мутахассислар фикрига кўра, "Пахтакор" аъзоси рақибига бутсанинг таг қисми билан зарба беришдан сақланган. Яъни у оёғини буккан ва табиий энерция натижасида унинг тиззаси рақибнинг юз қисмига теккан. Шунингдек, мазкур вазиятда футболчи тиззаси билан рақибига жароҳат етказадиган тарзда ортиқча ҳаракат қилмаган.

Мутахассислар ВАР ёрдамида кўрсатилган сариқ карточкани тўғри дея баҳолашди.