Hakim Fuzaylov 5:0 hisobidagi g‘alabadan so‘ng: "Barchasi ajoyib!"

Pro liganing navbatdagi turida “Buxoro” klubi “Aral Samali” ustidan 5:0 hisobida g‘alaba qozondi. Bellashuvdan so‘ng buxoroliklar ustozi Hakim Fuzaylov o‘z fikrlari bilan o‘rtoqlashdi.

“Menimcha bugun yomon o‘yin ko‘rsatmadik. Jamoaga jalb qilingan yosh o‘yinchilar o‘zlarini har jabhada ko‘rsatishga faol harakat qilishyapti. Faqat vaziyatlardan foydalanishda ozgina oqsayapmiz.

Hali bu borada ko‘proq ishlashimiz kerak. Asosiysi, biz bugun g‘alaba qozondik. Bizni, stadionda ajoyib muhit yaratib, qo‘llab turgan muxlislarimizga katta raxmat. Barchasi ajoyib!”

“Buxoro” matbuot xizmati.