Ҳамиджон Актамов: "Гол урмаса ҳам ўйнатавермайман-ку!"

“Қизилқум” жамоаси “Насаф” билан баҳсда мавсумдаги илк мағлубиятини тан олди. Мазкур беллашувдан кейин навоийликлар бош мураббийи Ҳамиджон Актамов ўз фикрлари билан ўртоқлашди.

- Бугунги ўйинда аламли мағлубият бўлди. Тенг курашлар остида ўтди, ютишимиз мумкин эди. Ўзимиз қулай вазиятлардан фойдалана олмадик. Кутилмаган жароҳатлар ҳам бўлди. Бу – футбол. “Насаф”ни ғалаба билан табриклайман.

- Мате Ватцадзенинг асосий таркибда майдонга туширилмаганига асосий сабаб нима?

- Тўртта турдан бери гол урмаганидан кейин ҳужумчисиз ўйнашга қарор қилдим. Гол урмаса ҳам ўйнатавермайман-ку! Шунинг учун бугун ҳужумчисиз синаб кўрдик. Барибир уни охирги 15 дақиқада туширдик, ҳаракат қилди. Фақат ҳужумда қийналяпмиз. Жамоавий ҳужумга ўтганимизда “Насаф” бўш ҳудудларимиздан фойдаланди.

- Кухианидзенинг ўйини “очилиб” боряпти. Аммо бугун жароҳат олиб майдонни эрта тарк этди. Унинг жароҳати қанчалик жиддий?

- Бошидан бироз жароҳат олибди. Уни шифокорлар олиб кетишган. Кўрамиз!