Ҳамиджон Актамов: Ҳар доим пенальти тепишни машқ қиламиз

"Бугун ҳаво иссиқ бўлишига қарамай, жамоалар шиддатли ўйин курсатишди. Жамоамиз Ўзбекистон кубогига 3-босқичидан қўшилди. Ўйин ҳақида айтадиган бўлсам, қизиқарли баҳс бўлди. Стадионда ажойиб атмосфера вужудга келди. Мухлисларга гап йўқ.

Иккинчи голни ўтказиб юборгач, бироз тушкунликка тушиб қолдик. Кейин эса ҳисоб тенглашгач, кайфиятимиз ҳам кўтарилди. Жамоамизнинг асосий ҳужумчиси Григалашвилининг жароҳати борлиги учун уни захирадан майдонга туширдим. Ҳар доим пенальти тепишни машқ қиламиз. Пенальтилар серияси бу лотерея. Қўқонликларга кейинги ўйинларда омад тилайман", - деб Актамовнинг сўзларини келтириб ўтди "Қўқон-1912" матбуот хизмати.