Ҳамиджон Актамов: Наманганда ҳамма жамоа ҳам очко ололмайди

Кеча Суперлиганинг 14-тури доирасидан ўрин олган "Навбаҳор" - "Қизилқум" (0:1) учрашувидан кейинги матбуот анжуманининг дастлабки қисмида меҳмонлар устози Ҳамиджон Актамов иштирок этди ва ўз фикрларини билдирди.

"Иккала жамоа ҳужумкор, қизиқарли ўйин намойиш этишди деб ўйлайман. Менимча бугун ғалабага муносиб ҳаракат қилдик. Иккала жамоада ҳам янги футболчилар кўп, шу боис улар бир-бирини тушуниб кетиши учун вақт керак бўлади. Наманганда бошқа мухлисларга ўрнак бўла оладиган мухлислар бор.

Барқарорликни ушлай олмаганимиз учун таркибдаги кўплаб футболчиларни алмаштирдик. Наманганда ҳамма жамоа ҳам очко ололмайди.

"Навбаҳор" бугун ёмон ўйнагани йўқ, кўп ҳужум қилди, аммо бизнинг футболчилар қандай топшириқ берилган бўлса барчасини бажаришди", - дейди Ҳамиджон Актамов.