Ҳамма ёмон кўрса ҳам ўйнайверади

“Арсенал” раҳбарияти швейцариялик ярим ҳимоячи Гранит Жака билан шартномани узайтиришни режалаштирмоқда.

Бир йил муқаддам клуб мутасаддилари ва мухлислари тажрибали футболчининг кетишини истаётган эди. Жака қўпол ўйини туфайли кўп маротаба майдонда ҳайдалиб, жамоани қийин аҳволга солиб қўйиши, омадсиз хатти-ҳаракатлари билан ашаддий мухлислар жиғига тегиб келарди.

Микель Артета қўл остида Гранит Жака ўзини ўнглаб олди. Айни пайтда у “канонирлар” сафида майдон марказининг энг муҳим ўйинчиларидан бирига айланган.

Клуб хўжайинлари Қатардаги жаҳон чемпионати якунланиши билан Гранит Жакага янги битим таклиф қилинишини таъкидламоқда.