Ҳаммаси бугун ҳал бўлади. Куман таътилдаги Мессини зудлик билан чақиртирди
“Барселона” етакчиси Лионель Месси янги бош мураббий Рональд Куман билан суҳбатга чақиртирилди. Учрашув учун аргентиналик ҳужумчи таътилини эрта тўхтатишга мажбур бўлди.
Учрашув бир неча соат ичида бўлиши кутилмоқда. Томонлар футболчининг клубдаги келажаги ва бош мураббийнинг мақсадлари ҳақида келишиб олишни режалаштирмоқда.
Бунгача Лионель Месси клуб бошқарувидан норозилигини билдириб, келаси йили якунланадиган шартномани узайтириш бўйича музокараларни музлатиб қўйганди. Айни пайтда Мессига “Манчестер Сити”, “Интер” ва ПСЖ ўта манфаатли шартнома таклиф қилиб, унинг жавобини кутмоқда.
Фикрлар