Ҳамюртларимиз Қирғизистонда жанг қилади!

18 июнь куни Қирғизистоннинг Баткен шаҳрида ММА кечаси бўлиб ўтади. EFC (Ertaimash Fighting Championship) томонидан ташкил этилаётган мазкур жанг кечасида бир қатор ўзбекистонлик спортчилар ҳам ўз жангларини ўтказади.

Жумладан, “Темурийлар ММА” клуби аъзоси Самандар Холбеков -66 кг вазн тоифасида қирғизистонлик Жўрабек Малаевга қарши октагонга кўтарилса, -61 кг вазнда Камронбек Сафаров яна бир мезбонлар вакили Бек Мамитов билан тўқнаш келади.

Шунингдек, яна бир нечта юртдошларимиз ушбу турнирда октагонга кўтарилади. Шу ўринда барча ҳамюртларимизга мазкур муҳим жангларида омад ёр бўлишини тилаб қоламиз!